Já, ég hef ákveðið að byrja með nýtt blogg, veit ekki alveg hvort ég eyði þessu eða hvað.  Þykir vænt um það en kominn tími á að byrja uppá nýtt.

Nýja bloggið mun alfarið snúast um tónlist, kvikmyndir og aðra dægurmenningu.  Ég mun kúpla sjálfan mig algerlega út úr því.

Stay tuned hvað varðar síðuna og svona, ég pósta henni hérna inn.

Þeir sem áttu von á einhverri svaka frásögn með eltingarleikjum og bófahasar verða því miður fyrir vonbrigðum því það gerðist ekki nokkur skapaður hlutur þannig séð.  Nokkrir pústrar og mikið af unglingum sem voru að drekka og svona.

Ég veit ekki hvort ég myndi vilja starfa í lögreglunni í lengri tíma og alls ekki til frambúðar.  Það er alveg skemmtilegt starf þannig séð og það er líka mjög mikilvægt.  Ég hef auðvitað bara prufað að vinna í afmörkuðum geira innan lögreglunnar og það er örugglega allt öðruvísi að vinna á almennri deild eða einhverstaðar annars staðar í kerfinu innan lögreglunnar.  Það er jafnframt það sem mér skilst að sé frekar mikilvægt innan kerfisins og það er að komast áfram í lögreglunni í stöðu sem leyfir manni að auka við launin eða komast í hærri launaðri stöðu, verða þá annaðhvort varðstjóri/yfirvarðstjóri eða stjórnandi í hóp.  

Það er hinsvegar eitt innan lögreglunnar sem er mjög eftirsóknarvert og mætti alveg halda betur á lofti og það er fólkið sem vinnur innan lögreglunnar og það samfélag sem skapast inná deildunum og milli manna.  Í fyrsta lagi þá vinnur mjög fært fólk þar og þar sem fólk vinnur svona náið saman og vinnan krefst þess að fólk geti treyst hvort öðru, er ekkert skrítið að mjög sterk vina og önnur tengsl myndist milli fólks sem þar vinnur. Það er mjög auðvelt að láta sér líða vel inná slíkum vinnustað , burtséð frá því hver vinnan er í raun.
Þar stendur fólk saman og það er mjög gott að vita af því og finna það.

Það held ég að sé mjög sérstakt inná þessum vinnustað og talsvert öðruvísi frá því sem gerist annarstaðar. 

Annars er ég að fara til Berlínar á miðvikudaginn í viku (með önnu minni) að reyna að slaka á og láta mér líða vel (ekki það að ég geri það nú ekki alltaf).  Annars hef ég líka verið að velta því fyrir mér að stofna nýtt blogg með talsvert öðruvísi áherslur heldur en þetta blogg hefur ávallt staðið fyrir, mér finnst varla eftirsóknarvert lengur að hafa blogg á vefnum sem fókusar á sjálfan mig og það sem ég er að hugsa í það skiptið.  Og þá hef ég verið að velta fyrir mér að skrifa einungis um kvikmyndir, tónlist og aðra afþreyingu.  Ekki það að þetta blogg hafi alltaf verið að fókusa á það en það gæti verið skemmtilegt að fókusa einungis á það og hætta að reyna að upphefja sjálfan mig með einhverjum skrifum sem skipta litlu máli þannig séð. 

Sjáum til, en fyrst er það Berlín og skólinn í framhaldinu. kv. Úlli.

Netið er margt ágætt en guð minn góður það er mjög erfitt að halda einbeitingu, því það er svo takmarkað á hverju maður hefur áhuga.  Vantar eitthvað svona einlægt eða einhverja tengingu við eitthvað sem skiptir máli.

Hvað gæti ég svo sem skrifað um ?  Ég er með nokkrar hugmyndir um hvað gæti verið, ætli ég byrji ekki á því að lýsa fyrir ykkur hvernig Ljósanóttin í Keflavík í nótt gekk fyrir sig en ég er að fara að vinna þar í nótt 3. September 2011, nóttin gæti ennfremur verið mín síðustu Lögreglustörf því það er óvíst hvort ég fari að vinna aftur í lögreglunni næsta sumar.  Gæti verið spennandi að sjá hvort eitthvað gerist í nótt, ég er svo sem nokkuð viss um að eitthvað gerist en það er bara spurning hvað.

Sjáum til, ég skal skrifa ítarlega um eitthvað sem gerist í nótt, kv. Úlfar Freyr

þetta er ennþá til, gleymi því stundum, það er ekki auðvelt að vera innstilltur inná þetta blogg ennþá þegar maður hefur eitthvað annað að gera og þegar það er sumar og svona.
Átti alveg frábæran afmælisdag, ég er að verða alveg svakalega gamall og það er bara alveg ágætt, hefur sjaldan liðið betur held ég bara, ég mjög sáttur við allt mitt og ánægður með alla í kringum mig.  Finnst einhvern veginn eins og allir séu líka mjög sáttir og er að sjá fólk í meira mæli bara gera það sem það var alltaf að sækjast eftir og það er mjög jákvætt. 

Ég hef vara neitt að segja, veit ekki alveg hvað það þýðir, hvort að ég hafi ekki yfir neinu að kvarta eða hvort það er allt svona leiðinlegt hjá mér að ég nenni ekki að vera að segja frá því, spurning hvort það er, hmm..

Annars má segja að ég hafi verið að hverfa bara til rótanna aftur, og líklega er það sem allir gera sem eldast, fjölskyldan, er að reyna að hugsa vel um sjálfan mig, reyni að lesa eins mikið og ég get, hef verið að lesa Ameríska glæpasagna höfunda og þá með vinkil á réttarsálfræði, hef svo einnig verið að lesa ný-21 aldar fjárshyggju bókmenntir og uppörvunar bókmenntir.  Oftast fjalla um stöðu mannsins í alþjóðasamfélaginu og hvað einstaklingar eru farnir að gera og týnast í skpulagi samfélagsins og þeirra krafna sem gerðar eru til eistaklinga í dag, til ungra karlmanna eins og mig til dæmis. 

Getur vel verið að ég útlisti mínar hugmyndir um þá samfélagslegu stöðu, bara svona í ganni.  Annars er ég hérna á bakvakt uppí Keflavík og hef það ágætt, ég bið að heilsa á meðan.. kv. Úlli.

Það er bara allt of mikið að gera til að vera að skrifa hérna inn, því miður..

Er næstum í 3 vinnum, Vinna (sem ég mæti aldrei í), vinna sem er skildaður til að mæta í og síðan Skólinn.  Það er allt of mikið að gera í skólanum, ég er að skrifa ritgerð um mögulega úrskurðaraðila Icesave deilunnar eða the Icesave-dispute á ensku. 
Þar kemur margt skemmtilegt fram, meðal annars að við Íslendingar eigum í raun enga úrskurðaraðila til að snúa til í deilunni.  Sá eini sem kæmi til greina er EFTA joint Committee, sem diplómatískur úrskurðaraðili án dómsvalds en nefndin gæti þó leita álits frá ICJ.  Bretar og Hollendingar eru þó auðvitað ekki bundir við slíka úrlausn og því er hún í raun ópraktísk.

Við erum í öllum skilningi háðir deiluaðilum okkar Bretum og Hollendingum.  Til að leysa deiluna verðum við að ná samningum við aðilana um úrlausn deilunnar, bæði hvað varðar mögulega úrskurðarleið fyrir alþjóðlegum úrskurðaraðila og hvernig þeim dómi yrði síðan framfylgt.  Eftirliststofnun EFTA getur farið í samningsbrotamál gegn Íslandi, og í kjölfarið geta Bretar og Hollendingar farið í skaðabótamál gegn ríkinu fyrir Íslenskum dómstólum.  Sú leið er jafnframt mjög ópraktísk þar sem ólíklegt er að Bretar og Hollendingar sætti sig við slíka niðurstöðu eða hvað þá að þeir gerðu sig reiðubúna til að verða bundnir af niðurstöðum slíks dóms.

Þannig árétta ég enn og aftur, að Ísland getur EKKI fengið úrlausn deilunnar fyrir alþjóðlegum úrskurðaraðila nema þá einungis með tvíhliða samningum, rétt eins og samið hefur verið um úrlausn deilunnar núna í Icesave samningum sem liggja fyrir þjóðinni, um mögulegan úrskurðaraðila.  Því er mjög lógískt og í raun ásættanleg niðurstaða að samið hafi verið um úrlausn deilunnar, því það er í raun eina úrræðið sem Íslensk stjórnvöld standa frammi fyrir og geta framfylgt. 

Flækjustigið varðandi mögulegan framvindu mála er hinsvegar mjög mikið, þar sem undanfari dómsmáls á hendur ríkinu er sáttaleið viðkomandi aðila, svar ríkisstjórnarinnar við áminningarbréfi ESA og jafnframt er ekki ólíklegt að Evrópusambandið stigi inn í atburðarrásina á einhverjum tímapunkti ef þjóðin segir nei í þjóðaratkvæðagreiðslunni.

Þetta eru svona einhverjir punktar úr ritgerðinni, ég skrifaði þetta bara random án þess að hugsa mikið og ég er að skrifa þetta ákkúrat núna án þessa að hugsa mikið.  Svona eitthvað fyrir ykkur að hugsa um

kv. Úlfar..

Heimilsstörfin eru eftirfarandi:

·         Vaska upp borðbúnað

·         Elda kvöldmat

·         Ryksuga og skúra

·         Þrífa salernisaðstöðu (klósett og sturtu)

·         Setja í þvottavélina og ganga frá þvottinum.

·         Fara út með ruslið

Ekki er þörf á að semja um önnur minni heimilsverk eins og að þurrka af, búa um rúmið eða fara í matvörumarkað, það eru minni verk sem skipta ekki máli í heildarsamhenginu. Sameignina í fjölbýlishúsinu þarf sömuleiðis að þrífa á mánaðarfresti en við gerum það sameiginlega og höfum alltaf gert, svo það er óþarfi að blanda þeim þrifum inní samningsviðræðurnar. 

Sjálfspróf – Self Assesment

Mikilvægustu spurningarnar sem samningamaður þarf að spyrja sig að, áður en haldið er út í erfiðar og mikilvægar samningaviðræður, er hvað viðkomandi vilji fá út úr viðræðunum og hver eru hans endanlegu markmið? 

Áður hef ég komið að þeim sameiginlegu markmiðum, sem samningsviðræðurnar eiga að ná fram, að skipulagning á hússtörfunum myndi ná fram hámarks framleiðni og ánægju á heimilinu sem myndi í kjölfarið minnka togstreitu í sambandinu varðandi verkin.   

            Það markmið næst ekki með ósanngjörnum samningskröfum gegn kærustunni minni, um að hún taki á sig auknar skyldur á heimilinu gegn því að ég geri sem minnst. Markmið viðræðanna snúa heldur til atriða sem komu fram í glærupakka í fyrsta fyrirlestri í Hagnýtum samningarétt um samningatækni [2].

 

A.    Verðmæti tryggð með með samkomulagi

Að samband okkar sé þess virði að gert sé samkomulag um hústörfin til að koma í veg fyrir togstreitu og óþarfa átök milli okkar.  Í framhaldinu verði því lögð áhersla á að ná samkomulagi.

B.     Verðmæti aukin með samstarfi

Samkomulag myndi leiða til þess að við myndum skipta niður með okkur þeim verkum sem við leggjum ólíka áherslu á varðandi hússtörfin.  Samningsviðræðurnar ættu því að leiða til samkomulags sem báðir aðilar geta unað til lengri tíma.

 

C.    Straumur verðmæta skapaður með trausti

Gagnkvæmur skilningur og gagnkvæmt traust leiðir til sambands þar sem hvor aðili ýtir undir hagsmuni hins.  Þetta atriði á við í hvaða samningsumhverfi sem er.

 

Þrátt fyrir ofangreind markmið um samstöðu og samstarf mun ég sem aðili í samningsviðræðunum ekki leyfa mér að falla í algenga gryfju í samningaréttinum um of mikla eftirgjöf [3].  En það er ekki hægt að skapa verðmæti, í hvaða samningsviðræðum sem er, með því að gefa eftir grundvallarhagsmuni sína.  Það væri jafnframt óvirðing við kærustuna mína sem mótaðila minn og samband okkar, færi ég í viðræðurnar til að gefa eftir samningsstöðu mína einungis til að ná samkomulagi. 

Heimilsstörf

Inngangur

Ég hef búið með kærustunni minni í næstum eitt ár, allt frá því að ég snéri heim frá skiptinámi í Svíþjóð síðasta vor.  Við búum í 50. fermetra eins herbergja stúdentaíbúð með geymslu og baði.  Þar sem við búum við svo lítinn húsakost, sem einungis samanstendur af einu stóru rými, skiptir miklu máli að hafa þrifalegt og fínt í kringum okkur í íbúðinni.  Ég verð að viðurkenna að ég mætti vera duglegri við heimilisstörfin og hjálpa kærustunni minni meira, en hún er líkt og ég, í krefjandi námi og vinnu með skólanum.  Hún hefur því ekkert meiri tíma heldur en ég til að sinna þessum ákveðnu venjubundnu húsverkum, en það hefur þó verið raunin undanfarin misseri, sem hefur leitt til óþarfa togstreitu í sambandinu.  Það verður samt sem áður að halda því til haga að ég hef ekki verið jafn duglegur í heimilisstörfunum að ástæðulausu.  Ég hef hreinlega ekki nægilegan áhuga á störfunum eða dugnað til að sinna þeim, auk þess sem kærastan mín er miklu betri að sinna þessum húsverkum.  Hún er samviskusamari, nákvæmari og duglegri heldur en ég nokkurn tíma varðandi heimilsstörfin og því myndi ég bæði tapa gæðum á verkunum sjálfum og mínum eigin frítíma myndi ég taka það upp að eigin frumkvæði að sinna verkunum. 

            Því vil ég nota tækifærið til að koma þrifnaðarmálum heimilisins í lag, með skipulögðum samningaviðræðum við kærustuna mína um skipulag á heimilisstörfunum, til hagsbóta fyrir okkur bæði.  Þannig vil ég setja auknar skyldur á sjálfan mig í þeim verkum sem ég tel og vil sinna, á móti þeim verkum sem ég tel að eru betur farin í hennar umsjá. 

Ég hafði hugsað mér að samningaviðræðurnar færu þannig fram, að fyrirfram væri ég búinn að lista upp atriði sem gera þyrfti á heimilinu og skipta þeim upp í mismunandi flokka eftir því sem ég teldi æskilegra að annað okkar myndi framkvæma. Þetta yrði gert með tilliti til þess hvort okkar sinnir ákveðnu verki betur og til hvers ég sjálfur myndi og geti framkvæmt með reglubundnum hætti, með tiliti til áðurnefndra takmarkana minna á sviðum húsverka og þrifa.  Þannig næst fram hámarks framleiðni og ánægja á heimilinu með skipulagðri verkaskiptinu á heimilstörfunum (vona ég). 

Fokk síðan skrifaði ég ekkert, afsakið kæru lesendur.

Listinn átti að vera einhvern veginn svona:

5. Kolaportið
4. Stærðfærðideildin í HÍ
3. Góði hirðirinn
2. Pólka matvörubúðin í Breiðholti
1. Nexus - Verslun

Í kolaportinu voru heitu gaurnar alltaf að borða harðfisk, svo væri hægt að selja stór brjósarhöld og bíða eftir gröðum köllum að koma að skoða og finna.  Svo líka ef viðkomandi væri fyrir heita fola frá Asíu en það er nóg af þeim í Kolaportinu. 

Í stærðfræðideildinni eru gáfuðu og sætu skólastrákarnir með bjarta framtíð.  Footballers wifes ? Gleymdu því, frekar Stærðfærði Wife og getur verið heima og í búðunum meðan kallinn hefur með feita tékkann úr einhverri óspennandi vinnu sem enginn nennir að vita eða heyra um,

Góði hirðirinn, vá farið bara þangað, allt fullt af sætum gaurum að leita sér að ógeðslegum stófa eða gömlu myndbandstæki fyrir klámyndirnar sem hann kaupir frá gömlum myndbandaleigu lager.

Pólska matvörubúðin, þarf ekkert að útskýra það. Þar er að finna mikiið úrval af heitustu draumum hverrar konu, Pólverjum. Konur dýrka Pólverja vegna þess að þeir eru kurteisir, fágaðir, menningarlegir, myndarlegir og eiga alltaf fullt af seðlum.

Nexus: Nördaverslun Íslands. Bara folar, tékk it

Rúv er örugglega ein leiðinlegasta sjónvarpsstöð í heiminum. Fyrir utan Silfrið og fréttir er varla hægt að segja að neitt sé vert þess að fylgjast með, né heldur að það sé einhver dagskrárgerð í gangi hjá þessari ágætu ríkisstofnun.  Það vinna ca. 300 manns á Ríkisútvarpinu en samt er varla hægt að tala um dagskrárgerð, sjónvarpsþætti, útvarpsþætti eða annað sem vert er að beina athygli sinni að.

Hugsið ykkur, það mæta 300 manns í vinnuna á hverjum morgni í efstaleitið, 300 !!!
Hvað í ósköpunum er þetta fólk að gera á daginn?  Það er engin dagskrárgerð í ríkissjónvarpinu, Rás 2 spilar tónlist allan daginn og er með fréttir, kannski vinnur þetta fólk allt við dagskrárgerð á Rás 1, því það er raunveruleg dagskrá þar, verst að hún snýr öll að einhverju sem meirihluti fólks hefur engan áhuga á.

En þetta vita allir, enginn þolir eða horfir á Rúv. En Rúv hefur áhrifamátt sem margir gera sér ekki grein fyrir. Nær allir landsmenn en hver einn og einasti skattgreiðandi á Íslandi greiðir 17.800 kr. beint til þessarar ágætu stofnunar.  Allir landsmenn hafa jafnframt aðgang að útsendingum þessarar stofnunar í gegnum útvarp eða sjónvarp.

En á móti kemur að það er ekkert val, Rúv er bara rúv, þar er einhver dagskrá hvort sem þér líkar betur eða verr, hvort sem þú eða einhver annar horfir á eða hefur áhuga á að horfa eða fylgjast með.

Tökum dæmi varðandi daginn í dag (gær), Sunnudaginn 16. Janúar 2011. Klukkan 14:00 var bein útsending frá keppni í skylmingum á árlegu alþjóðlegu íþróttamóti í Reykjavík.
Leyfið mér að endurtaka þetta aftur, frá keppni í skylmingum.  Hvernig þeim datt í hug að sýna frá þessum atburði, hefur einhver áhuga?  Hvað ætli margir hafi horft á þessa útsendingu, 500 manns, 3000 ? Skiptir engu máli, þetta var í sjónvarpinu í klukkutíma í dag og svona rugl verður áfram á Rúv hvort sem einhver horfir á þetta eða ekki.

En einmitt þarna endurspeglast áhrifamáttur Rúv best. Hugsið ykkur bein útsending frá undanúrslitum í liðakeppni í skylmingum á Reykjavík International games. Þarna voru einhverjir skylmingalúðar að sveifla sverðum og einn fékk stig en hinn ekki þótt þeir gerðu nákvæmlega það sama og enginn botnar neitt í neinu. Gott og vel, kannski hefur einhver gaman af þessu rugli en það er ekki aðalatriðið. Þó ég þori að veðja að allir sem höfðu einhvern áhuga á skylmingum á höfuðborgarsvæðinu voru þarna á staðnum.   Hvað ætli margir hafi kveikt á sjónvarpinu í miðri útsendingu og verið eitthvað, hvað í fjandanum er í gangi og slökkt aftur

En hugsið ykkur hvað þessi útsending á þessum atburði var tilviljunarkennd. Það voru engar auglýsingar í sjónvarpinu eða útvarpi um að það ætti að sýna beint frá skylmingum þennan dag, það hefur engin umfjöllun verið hjá íþróttadeildinni um skylmingar sem gat undirbúið fólk fyrir hvað væri að fara að gerast, hverjir væru að fara að keppa eða einhverjar aðrar útskýringar um stöðu skylminga á Íslandi eða stöðu landliðsins á alþjóðavettvangi, ekkert á heimasíðunni, bara EKKI NEITT.

Svo þarna á sunnudaginn klukkan 14:00...BÚMM, BEIN ÚTSENDING. . SKYLMINGAR..
Þetta hefði alveg eins getað verið norðurlandamótið í glugga-útstillingum, hestafimleikar, brandarakeppni grunnskólana á höfuðborgarsvæðinu eða hvað í heiminum sem er, því það er alveg tilviljunarkennt og að negla inn á sunnudags-eftirmiðdegi, undanúrslit frá Reykjavíkurleikunum í skylmingum.  Þetta var ekki einu sinni úrslitaleikurinn, ætla þeir að sýna hann fyrst þeir sýndu undan-úrslitin? Alveg örugglega ekki, en það veit ekki nokkur maður og engar upplýsingar eða tilkynningar þess efnis frá Ríkisútvarpinu.

En þetta er ekki það besta, í úsendingunni var Adolf Ingi að kynna keppendur og var meira að segja með auka-þul með sér, því auðvitað gat hann mögulega ekki vitað nokkurn skapaðan hlut um framgang keppninnar án þess að hafa einhvern með sér.
En þetta gekk bara eðlilega fyrir sig, alveg drepleiðinlegt og maður skildi ekkert hvað var að gerast, svo vinnur íslenskur rauðhærður skylmingalúði einhvern annan skylmingarlúða og þá er þessi rauðhærði tekinn í sjónvarpsviðtal af Adolfi Inga í beinni útsendingu. Hugsið ykkur, þetta er bara einhver strákur sem hefur æft skylmingar í tvö ár, í viðtali í beinni útsendingu fyrir framan íslensku þjóðina og það má telja einstaklingana á fingrum annarrar hendar sem hafa áhuga eða vita um hvað þessi útsending íþróttadeildar snérist þetta sunnudagseftirmiðdegi.

Adolf : hahahha, já Þórður þú bara vannst þína viðureign en þetta var orðið tæpt þarna í lokin og mjög spennandi.

Skylmingalúði: ha? já, ég stakk hann bara og vann, hehe, en þetta stóð tæpt enda kom hann að mér með klippings Martin-stungu bragð en ég snérist undan og þrýsti stunguna fram með hægri handar Maltoff- kerta hreyfingu.

Adolf: hahaha, já alveg frábært, ég er alveg viss um að allir áhorfendurnir heima í stofu voru alveg komnir fram á tærnar af spennu, til hamingju með sigurinn, hahahaha

Pælið í þessu, bara einhver random gaur tekinn í sjónvarpsviðtal í beinni. Þetta eru töfrarnir við Rúv, vegna þess hve útbreiðslan er mikil, er hægt að gera hvaða skylmingarlúða sem er að sjónvarpsstjörnu og jafnvel að landsþekktum einstaklingum.
Hugsið ykkur, alveg jafn mikið og útsendingin á sunndaginn var tilviljunarkennd er alveg jafn líklegt að gerðir verði vikulegir þættir um skylmingar og að lúðar eins og þessi sem tekinn var í viðtal verði að landsþekktum einstaklingum.

Annað eins hefur nú gerst..

NR 1

http://www.youtube.com/watch?v=Jg5wkZ-dJXA

Engin frekari umfjöllun er nauðsynleg

Snillingar eru alltaf klikkaðir

Árslisti 2010.

(2) – DeerHunter – Halcyon Digest

Í öðru sæti er hin draumkennda plata Deerhunter Halcyon Digest sem er 4ja stúdíóskífa þessara drengja frá Atlanta, Georgia, USA.  Ég er að vinna mig í gegnum gamla stöffið eftir að hafa kynnst HD og er þannig líka undir áhrifum frá því gamla sem gæti haft áhrif á þetta val mitt hvað platan er ofarlega í huga mínum núna, en það tekur ekkert frá HD sjálfri enda er þetta  algerlega brilliant tónlist.  Þetta er svona akkúrat mín tónlistarstefna og örugglega fleiri án þess að maður sé mjög meðvitaður um það, tónlistin er draumkennd, leiðandi, tilraunakennd, krefjandi en samt aðgengileg og spennandi.  Þessi Bradford Cox sem er í forsvari fyrir sveitina er greinilega einhver snillingur því sólóstöffið hans er víst líka geðveikt.

Þeir voru víst á Airwaves einhvern tíma, hvað í fjandanum var ég að gera þá ?

Youtube- en það þarf samt að hlusta á hana í heild sinni þó að tóndæmin gefi ágætis mynd af plötunni (eðlilega) en ég mæli með rafrænum kaupum eða kaupum bara yfirleitt. 

http://www.youtube.com/watch?v=ijurnaMqLxg – Earthquake -fyrsta lagið af plötunni, VÁ!

http://www.youtube.com/watch?v=8b0fDIPP-u4 – Revival. 

http://www.youtube.com/watch?v=G5RzpPrOd-4 – Helicopter

http://www.youtube.com/watch?v=lyFgLFmSxMk – Cornado 

http://www.youtube.com/watch?v=1mBSOtdOjoc – Desire Lines, sem er uppáhalds lagið mitt af plötunni, það minnir mig svo á Pixies, sérstaklega seinni partur lagsins, og það finnst mér svo svakalega skemmtilegt, bara ef Pixies hefðu haldið áfram og gert svona frábært lag.

Kannski er þetta besta plata ársins eftir allt saman.

Árslisti 2010.

(3) – Yeasayer – Odd blood

 Ég hafði ekki heyrt af þessari hljómsveit fyrr en fyrrum sambýlismaður minn (ég bjó á heimavist á árinu með öðrum fullvaxta karlmönnum, fullkomlega eðlilegt), sýndi mér sitt eintak af plötunni þá ný-útkomin. Ég smellti mér eins og sönnum Sænskum sósíalista út í strætó og svo í neðanjarðarlestina út í næstu plötuverslun ætlaði að versla gripinn en kom þar að tómum kofanum.  Chris hafði svo pantað hana á netinu eða eitthvað en málinu var reddað með Spotify og síðan fékk ég hana og er með á tölvunni.

Það er mjög erfitt að lýsa þessari tónlist en þessi hljómsveit frá Brooklyn, New York gaf út aðra plötu sína fyrr á árinu.  Gáfumannapopp? Í sama flokki og MGMT líklega sem hlaut gífurlegt lof á árinu en lítið fór fyrir Yeasayer.  Ég sá Yeasayer svo Live í Stokkhólmi og það var upplifun út af fyrir sig, algerlega frábært band, með mikið varaisjón í hvernig það kemur sinni tónlist á framfæri því tónlistin sjálf er svo fjölbreytt, svo margt í gangi á sama tíma.  

Þrjú lög standa uppúr frábærri plötu sem hefði þó getað verið enn betri.

http://www.youtube.com/watch?v=VvsHYRzO8_Q – Madder Red 

http://www.youtube.com/watch?v=a6VatNuR_Uk – Ambling Alp. Þetta er official myndbandið sem mér þykir ekki alveg nógu vel heppnað og við fyrstu hlustun skemmir örugglega lagið. Tékkið á því með bara laginu líka.

http://www.youtube.com/watch?v=PmvWQ21thLo&feature=related - O.N.E 

Ef þið voruð ekki eitthvað inspired eftir þessi þrjú lög um hvað tónlist getur verið krefjandi, fjölbreytt og skemmtileg. Þá veit ég ekki hvað skal gera annað en að hlusta aftur og hlusta vel, því þetta hlýtur að síast inn. Snilldin er til staðar öðru megin, það vantar bara viðtakenda.

Í 4 sæti er þriðja stúdíó-plata Gorillaz - Plastic Beach.

Kom frekar úr óvæntri átt, en mér fannst Albarn reyna að ganga enn lengra frá að gera commercial tónlist og mér finnst það ganga upp og skila bestu plötu Gorillaz by far.



Mér finnst Albarn virkilega vera að reyna að skapa einhverja dýpt í tónlistinni og mér finnst það í alvörunni takast þrátt fyrir allt þetta teiknimyndardæmi sem ég hef í raun aldrei botnað neitt í, hvað í fjandanum eru þau alltaf að gera og hverjir eru alltaf að reyna að drepa þau?  Nú er þetta komið út í eitthvað fiska dæmi og virðist ganga út á, að þau eru eitt með fiskaríkinu á móti einhverjum uppgjafarhermönnum sem eru að reyna að stela fiskunum og drepa þau í leiðinni. Ef einhver er með betri útskýringu á þessu plotti má hann endilega láta mig vita.

Ég veit auðvitað ekkert hvað Albarn gekk til í byrjun með þessu teiknimyndadæmi og mér fannst í raun lítið til koma, hef aldrei hlustað á fyrstu plötuna nema þetta ömurlega Rapp-lag þarna sem var geðveikt vinsælt. Sama með aðra plötuna Demon Days nema þegar ég tók eftir földum skilaboðum í tónlistinni um að börn heimsins ættu að sameinast og drepa allt fullorðna fólkið í heiminum, lifa í sátt og samlyndi með náttúrunni og byggja nýja plánetu.  Ég skrifaði blogg um þetta einhverntíma en hef aldrei birt það.  Ég var með Spotify í tölvunni (sem er sænskt tónlistarforrit sem leyfir manni að hlusta á hvaða stöff sem er frítt) á þeim tíma þegar hún út og platan náði mér bara strax og mér finnst hún frábær. Albarn finnst mér takast að stíga frá mestu barnadýrkuninni og það er eins og hann sjái pínulítið eftir öllu þessu teiknimyndabrölti og reyni að fjarlægjast það með meiri dýpt og flóknari tónlist.

Það eru mörg frábær lög á PB

http://www.youtube.com/watch?v=UJkzywUR-cg - Intro

http://www.youtube.com/watch?v=yYDmaexVHic- Rhinestone eyes

http://www.youtube.com/watch?v=1FR5XvKCcu0- Empire Ants

http://www.youtube.com/watch?v=1ZhUVvmp4ro- Glitter Freeze, skemmtilegt að sjá þetta Live líka, því þetta er bara alvöru hljómsveit og alveg eins og mér finnst hann vera að gera á plötunni að hverfa frá teiknimyndastílnum öllum.

http://www.youtube.com/watch?v=04mfKJWDSzI - On Melancholy Hill

http://www.youtube.com/watch?v=9B8OLua197g - To Binge, sem er frábært lag og aftur með hinni Sænsku Little Dragon sem ég sá úti í Svíþjóð og voru alveg frábær.

En alveg frábært stöff frá Albarn, metnaðarmikið og skemmtilegt og nr. 4 á lista síðasta árs.

                                                            Árslisti 2010.

Ég var nú ekkert að flýta mér að þessum lista því ég hélt að árslistarnir væru ekki birtir í blöðunum fyrr en síðustu dagana fyrir áramót en svo kom helvítis fréttablaðið með sinn lista og allra helstu spekinga landsins út í síðustu viku, en svo skipti það ekki miklu máli því minn listi er bara topp 5 og svo er hann talsvert öðruvísi en þeir sem ég hef að minnsta kosti séð hingað til.  En það er einmitt svo áberandi með árið í ár, að það eru nær engir listar eins og það eru mjög skiptar skoðanir um hvað eigi að teljast til bestu verka ársins.

(5) – Crystal Castles, 'Crystal Castles'

Kannski ekki margir sem vita hvaða listamenn þetta eru, en þessi samnefnda plata hljómsveitarinnar er önnur plata þeirra en sú fyrsta hét líka Crystal Castles.  Merkilegt með þá seinni að mix af henni „lak“ á netið án „ promotion“ en náði samt gríðarlegum vinsældum, þá óútgefin.  En þau eru semsagt tvö í hljómsveitinni og eru frá Kanada ( eins og  allt spennandi stöff kemur frá í dag), svo bætast einhverjir hljóðfæraleikarar við, þegar þau spila Live. 
En já, þessi diskur er frábær, furðulegt hrátt teknó sem er kannski ekki allra en þetta er alveg brilliant stöff.  Mér finnst eiginlega flottast við tónlistina að þau eru ekki hrædd við að gera eitthvað öðruvísi og halda hráa tölvusándinu.  Mér finnst fyrsta samnefnda platan sem kom út árið 2008 svona milljón sinnum betri en þetta er samt með því betra á árinu.  Platan var tekin upp af einhverjum Ethan Kath og meðal annars í yfirgefinni kirkju á Íslandi.  Svo er eitt lagið á plötunni sampl af lagi Sigurrósar, Inní mér syngur vitleysingur.   

Þið getið auðvitað farið á youtube og horft á þetta í drasl sjálf en hérna eru tvö tóndæmi: 

http://www.youtube.com/watch?v=XrTiT3YkUQg

http://www.youtube.com/watch?v=LXtDrQ9N414&feature=related

Gamla stöffið er samt betra, tékkið á Untrust us, Crimewave og Knigths.

Held að ég hafi aldrei birt áður mynd af mér hérna í Bóner en hérna kemur hún.  Þetta er semsagt sjálfsmynd sem ég tók með nýju myndavélinni minni.  Hún sýnir mig í fullri reisn í bláu nærbuxunum mínum. 
Ég fer stundum í bóner á opinberum stöðum og það er mjög vandræðalegt.  Eins og t.d. er maður í röðinni í bankanum um mánaðarmót og það er fullt af gömlum konum fyrir framan mann með einhverja gíróseðla, þá allt í einu fer maður að hugsa um að einu sinni voru þær ungar gellur og voru kannski einhvern tíma jafn heitar og Jessica Alba.  Síðan höfðu þessar kellingar sem voru einu sinni jafn heitar og Jessica Alba, verið kannski eitthvað, Halló, hvað heitir þú?  og verið geðveikt til í að fara í sleik kannski inn í banka eða á öðrum stöðum þar sem fólk fór í sleik í gamla daga og þá gerist alveg eins og á myndinni að ofan.  Sjitt, allar þessar gömlu kellingar sem einu sinni voru heitar.